Usawiri wa Mwanamke wa Kisasa wa Kiislamu katika Filamu ya Maria

Abstract

Swahili

Utafiti huu ulilenga kuchunguza usawiri wa mwanamke wa kisasa wa Kiislamu katika filamu ya Maria. Mada ya utafiti ilitokana na utanzu wa fasihi simulizi, ambapo drama, kama zao la uigizaji, inaporekodiwa kwa kamera, kuhaririwa, na kuunganishwa na sauti, hubadilika kuwa filamu. Lengo la msingi lilikuwa kueleza nafasi ya mwanamke wa Kiislamu katika jamii na kuchunguza jinsi anavyowakilishwa kwa mtazamo chanya na hasi, huku ikizingatiwa tasnia ya fasihi simulizi kupitia filamu. Utafiti ulitumia mbinu ya kimaelezo, ambapo vipindi mia moja vya filamu ya Maria vilichanganuliwa kwa kutumia sampuli lengwa. Data zilikusanywa kupitia matini za kifilamu na kuchanganuliwa kwa njia ya uchanganuzi wa maandishi. Nadharia ya Ufeministi wa Kiislamu ilitumika kama msingi wa uchunguzi, ikizingatia mihimili mitatu: mfumo mzima wa familia, tofauti za kijinsia katika wajibu wa maisha, na ukewenza. Imegunduliwa kuwa mwanamke wa Kiislamu amesawiriwa kwa mitazamo miwili katika filamu ya Maria. Mtazamo chanya ulionyesha mwanamke kama mshauri, mlezi, mkombozi, mchumi, na mwenye mapenzi ya dhati. Hata hivyo, mtazamo hasi ulimchora kama msherati, mshirikina, mgomvi, na mwenye mipango ya hadaa. Filamu hii ilionyesha kuwa usawiri wa mwanamke unaakisi changamoto na fursa zilizopo katika jamii ya Kiislamu ya kisasa. Utafiti ulihitimisha kuwa nafasi ya mwanamke wa Kiislamu mara nyingi huathiriwa na mfumo dume unaodunisha mchango wake. Hata hivyo, mwanamke pia amesawiriwa kama mhusika mwenye nguvu na mabadiliko yanayoweza kuleta mabadiliko ya kijamii. Imependekezwa kuwa jamii ibadili mtazamo wake kuhusu wanawake wa Kiislamu kwa kuwapa nafasi sawa za ajira, elimu, na heshima. Pia, waandishi na watunzi wa filamu wanashauriwa kuonyesha taswira chanya zaidi ili kuchangia mabadiliko ya kijamii.

English

This study aimed to examine the portrayal of the modern Muslim woman in the film Maria. The research topic was derived from the genre of oral literature. Drama, as a product of performance, when recorded on camera, edited, and combined with sound, transforms into film. The main objective was to explain her role in society and to investigate how she is represented both positively and negatively, while considering the field of oral literature through film. The study employed a descriptive method and analysed one hundred episodes of the film using purposive sampling. Data were collected from film texts and analysed through textual analysis. The guiding theoretical framework was Islamic Feminism, which is based on three pillars: the holistic family system, gender differences in life responsibilities, and polygamy. The study found that the Muslim woman is portrayed from two perspectives. The positive perspective depicts her as a counsellor, caregiver, liberator, economist, and a person of genuine affection. However, the negative perspective portrays her as promiscuous, superstitious, quarrelsome, and deceptive. The film revealed that the portrayal of women reflects both challenges and opportunities within the modern Muslim society. The study concluded that the woman’s role is often influenced by patriarchy, which undermines her contribution. Nonetheless, women are also depicted as strong characters and agents of change. The recommendations are that society should shift its perception of women and grant them equal opportunities in employment, education, and respect. Furthermore, scriptwriters and filmmakers are encouraged to present more positive images to contribute to social transformation.

Keywords: Feminism, film, modern Muslim woman, polygamy, portrayal