Mikakati Inayotumiwa na Viongozi Kukabiliana na Changamoto Zinazokumba Uafikiaji wa Malengo ya Maendeleo Endelevu katika Tamthilia Teule za Kiswahili

Abstract

Kiswahili

Lengo la makala hii ni kuchunguza mikakati inayotumiwa na viongozi kukabiliana na changamoto zinazokumba uafikiaji wa MME katika tamthilia teule za Kiswahili. Uongozi ni suala muhimu katika jamii na hudhihirika kupitia mikakati kadhaa, mojawapo ni utekelezaji wa Malengo ya  Maendeleo Endelevu (MME). Utekelezaji wa MME unaendelea kukumbwa na changamoto mbalimbali. Utafiti huu ni wa kithamano na uliongozwa na Nadharia ya Uhistoria Mpya iliyoasisiwa na Stephen Greenblatt (1980) na kuendelezwa na Brizee na Tompkins (2012).  Muundo wa kiuchanganuzi ulitumiwa. Data ilikusanywa kupitia mbinu ya unukuzi. Data hii ilipangwa kisha kuchanganuliwa kwa njia ya uhakiki wa yaliyomo. Kwa kutumia mbinu ya usampulishaji dhamirifu, tamthilia nne ziliteuliwa. Tamthilia hizi ziliteuliwa kwa msingi kuwa zina maudhui ya uongozi na ziliandikwa kati ya miaka ya 2016 na 2024 ambacho ni kipindi cha utekelezaji wa mpango wa MME. Hizi ni: Shamba la Halaiki (Okello, 2016), Mwinyi na Manyani ya Adili (Mbogo, 2022), Kifunganjia (Okello, 2021) na Kodi (Muhando, 2024). Matokeo yamewasilishwa kwa njia ya maelezo ya maandishi. Matokeo ya kazi hii ni kuwa, viongozi wanatumia mikakati mbalimbali kukabiliana na changamoto zinazotatiza uafikiaji wa mpango wa MME. Isitoshe, kushiriki na kuhimiza kilimo ni mkakati ambao unachangia uafikiaji wa malengo kadhaa ya MME. Makala ii inapendekeza kuwa viongozi wawashirikishe raia katika utekelezaji wa mikakati inayolenga kuafikia MME ili maendeleo yaafikiwe kwa pamoja. Aidha, viongozi wa nchi mbalimbali waweke mikakati ambayo itainua sekta ya kilimo kuanzia mashinani kwa kuwa kilimo kitasaidia uafikiaji wa malengo kadhaa ya mpango wa MME.

English

The purpose of this article is to investigate strategies employed by leaders to address challenges hindering the achievement of the Sustainable Development Goals (SDGs) in selected Swahili plays. Leadership is a crucial aspect in society and manifests through various strategies, including the implementation of Sustainable Development Goals (SDGs). SDGs implementation continues to face various challenges. This study is qualitative and was guided by the New Historicism Theory, as propounded by Stephen Greenblatt (1980) and expounded by Brizee and Tompkins (2012). An analytical research design was employed. Data was collected through documentation. The data was then organised and analysed using content analysis. Through purposive sampling, four plays were selected. These plays were chosen based on their leadership themes and the fact that they were written between 2016 and 2024, the period of SDG implementation. These are: Shamba la Halaiki (Okello, 2016), Mwinyi na Manyani ya Adili (Mbogo, 2022), Kifunganjia (Okello, 2021), and Kodi (Muhando, 2024). The findings have been presented through explanation. This study found that leaders are employing different strategies to address challenges affecting the SDG implementation plan. Moreover, participating in and promoting agriculture is a strategy that contributes to the realisation of several SDG objectives. This article recommends that leaders involve citizens in implementing strategies aimed at attaining the SDGs to achieve collective development. In addition, leaders in various countries should put in place strategies to uplift the agricultural sector from the grassroots level, as agriculture will help achieve several SDGs.

Keywords: Leadership, Strategies, Sustainable Development Goals (SDGs), Swahili Plays